Қ.Жұбанов атындағы АӨМУ студенттерімен АИТВ-жұқпасының алдын алу бойынша кездесу

2018 жылдың 7 қарашасында ЖИТС орталығының педагогы М.Матаева мен дәрігер-эпидемиологы Л.Баиманова  Қ.Жұбанов атындағы АӨМУ экономика және құқық факультетінің студенттерімен кездесті. Кездесу тақырыбы: «Жастар арасында АИТВ-жұқпасының алдын алу».
Студенттер «АИТВ-жұқпасы мен ЖИТС ұғымдары», «АИТВ жұқпасының берілу жолдары», «Диагностикасы», «Алдын алу шаралары», «Емдеуі туралы», және «Стигма мен кемсітушілік» туралы ақпарат алды.
Сондай-ақ, мамандар Ақтөбе облысындағы АИТВ-жұқпасының эпидемиологиялық жағдайы, жастарға арналған сенім телефоны мен достық кабинетінің жұмысы туралы айтып берді.
Кездесу соңында студенттерге ақпараттық-білім беру материалдары таратылды. Кездесуде 79 адам қамтылды.