Ақтөбе қаласындағы колледж студенттері арасында «Стигма мен кемсітушілік» тақырыбына арналған театрландырылған көрініс байқауы

2018 жылдың қараша айының 28-нде Дүниежүзілік ЖИТС-ке қарсы күрес күнінің 30 жылдығына орай Ақтөбе политехникалық колледжінің негізінде колледж студенттері арасында «Стигма мен кемсітушілік» тақырыбына облыс көлеміндегі тетарландырылған көрініс байқауы өтті. Бұл шараның ұйымдастырушылар «Сенім тірек» ҚҰ және Облыстық ЖИТС орталығы.   
Байқауға облыстағы 8 орта арнаулы оқу орнының, соның ішінде Ойыл мен Алға аудандарынан колледж командалары қатысып бақ сынады. Студенттер АИТВ-жұқпасының алдын алу мен қоғамда стигма мен кемсітушілікке жол бермеу мәселелері туралы қойылым қойды.
Байқау соңында Ақтөбе гуманитарлық-техникалық колледжінің командасы 1-ші орын, Ақтөбе политехникалық колледжі-2, Алға индустриалды колледжі үшінші орынды иеленді. Ал, қалған командаларға ынталандыру сыйлықтары табыс етілді.