АИТВ-инфекциясы туралы дәріс

19 шілдеде Ақтөбе облыстық ЖИТС орталығының эпидемиолог дәрігері Сандуғаш Жулмағамбетова АИТВ-инфекциясы туралы дәріс өткізді. Кездесу "Балдәурен" балабақшасының тәрбиешілері арасында өтті.

Маман АИТВ-инфекциясы туралы негізгі ақпаратты айтты: берілу жолдары, профилактикалық және емдеу шаралары. Спикер сондай-ақ АИТВ-позитивті адамдарға қатысты стигма мен кемсітушілікке жол берілмейтінін атап өтті, өйткені жұқтыру жолдары шектеулі және бүгінгі күні АИТВ-инфекциясы созылмалы аурулар санатына өтті. Дәріскер қатысушыларды Ақтөбе облысы бойынша эпидемиологиялық жағдаймен таныстырды.