Жастарға алдын алу туралы.

Облыстық ЖИТС орталығының мамандары 2023 жылғы 8 қыркүйекте облыстық жастар және балалар ұйымы қауымдастығымен бірлесіп, қалалық орталық кітапханада АИТВ-инфекциясының алдын алуға бағытталған іс-шара өткізді. Іс-шараға Ақтөбе гуманитарлық-техникалық колледжінің студенттері мен №6 орта мектебінің оқушылары қатысты. Іс-шара барысында тренинг түрінде берілу жолдары, АИТВ-инфекциясының алдын алу шаралары туралы ақпарат ұсынылып, осы тақырыпта көрме ұйымдастырылды. Қатысушылар арасында әлеуметтік сауалнама жүргізіліп, АИТВ-инфекциясы мәселелері бойынша ақпараттық-білім беру материалдары таратылды.