Ақтөбе қаласының жастарына арналған науқан

2019 ж. төртінші сәуір күні "Keruencity" СОО облыстық ЖИТС алдын алу және оған қарсы күрес жөніндегі орталығы, "KazMSA" медицина студенттерінің қауымдастығымен бірлесіп «Дұрыс таңдау жаса» ұранымен науқан өткізді. 

АИТВ-жұқпасының алдын алу мақсатындағы науқаны АИТВ және ЖИТС мәселелері бойынша халықты хабардар ету мақсатында өткізіледі. Жастар арасында АИТВ-жұқпасының таралу қарқынының төмендеуі, халықтың өз денсаулығына және айналасындағылардың денсаулығына қатысты жауапкершілігін арттыру мақсатында өткізіледі. Науқан сауда орталығының келушілеріне АИТВ және ЖИТС туралы ақпарат беру және ақпараттық материалдарды тарату арқылы өткізіледі.

АИТВ жұқпасының таралуының алдын алу үшін тек медициналық, педагогикалық немесе өзге де мамандардың ғана емес, сондай-ақ жастар көшбасшыларын дайындаған қоғамдық ұйымдар өкілдерінің де күш-жігері қажет. Сондықтан жастар ұйымдарының осындай науқандарға қатысуы өте маңызды. Қамтылған 100 адам.