ЖИТС орталығының дәрігерлері АИТВ-ға тегін және жасырын негізде тестілеудің қолжетімділігі туралы айтып берді

Дүниежүзілік денсаулық күні аясында ЖИТС орталығының мамандары Галия Дусеева мен Айжан Жайлаубаева Рика ТВ телеарнасының журналистеріне сұхбат берді.

Сұхбат барысында дәрігерлер АИТВ-инфекциясының алдын алу шаралары мен емдеудің жаңа әдістері, АИТВ-позитивті адамдарға қатысты кемсітушілікке жол бермеу туралы айтып берді. 

Бүгінгі күні АИТВ-инфекциясының алдын алу мақсатында халық арасында АИТВ-инфекциясының берілу жолдары және АИТВ-ға тестілеудің тегін, оның ішінде жасырын түрде қолжетімділігі туралы халықты кеңінен хабардар ету жүргізілуде. 

 Дүниежүзілік денсаулық күні қарсаңында қазіргі заманғы медицина бір орында тұрмайтынын және үнемі жетілдіріліп отыратындығы атап өтілді. Бұрын дәрі-дәрмектер мен белгіленген емдеу болмаған кезде, АИТВ-инфекциясы өлімге әкелетін ауру болды, бірақ қазіргі емдеу әдістерінің арқасында ол "өлімге әкелетін" санаттан "созылмалы"санатқа көшті.