Ақтөбе қаласындағы оқыту семинары

2019 жылы 16 сәуірде Ақтөбе облыстық ЖИТС алдын алу және оған қарсы күрес орталығының мамандары «АИТВ-жұқпасының жастар арасында алдын алу» тақырыбында семинар өткізді 

Семинарға Ақтөбе облысының колледж директорларының тәрбие ісі жөніндегі орынбасарлары қатысты.

Шараның мақсаты жастар арасында АИТВ-жұқпасының таралу мәселесі, жыныстық жолмен жұғудың алдын алу шаралары мен жастардың білім деңгейін көтеру, ақпараттандыруға орай маңызды жұмыстарды өзара талқылау.

Семинар барысында алдын алу бөлімінің меңгерушісі А.Жайлаубаева мен педагогы М.Матаева АИТВ-жұқпасының берілу жолдары, сондай-ақ стигма мен кемсітушілік туралы айтып берді. Қатысушыларға бейнеролик көрсетіліп, ақпараттық ағарту материалдары таратылды.