Ақтөбеде 2024 жылғы жұмыс қорытындысы талқыланды

26 ақпанда Ақтөбе ЖИТС орталығында жиналыс өтті, онда Облыстық ЖИТС орталығының 2024 жылғы жұмысы қорытындыланды. Бас дәрігер Айгүл Дүйсенбаева, барлық бөлімдердің меңгерушілері баяндама жасады. 

"Өткен жылдың қорытындысын шығару 2025 жылы шешілетін өзекті міндеттерді айқындау үшін қажет. Ақтөбе ЖИТС орталығының барлық бөлімдері АИТВ-инфекциясын диагностикалау, алдын алу және емдеу бойынша үлкен жұмыс атқарды. Облыста жыл сайын АИТВ-ға тексерулер саны артып келеді, АИТВ-инфекциясының алдын алу және емдеу тиімділігі, көрсетілетін қызметтердің сапасы артып келеді. 2025 жылға жоспарланған жұмысты орындау біздің кәсіби кадрларымыздың және ұйымшыл ұжымның арқасында мүмкін болады", - деп атап өтті бас дәрігер Айгүл Дүйсенбаева. 

Бөлім меңгерушілерінің баяндамаларында жұмыстың негізгі көрсеткіштері, нысаналы индикаторларға қол жеткізу, ДСБ мен ҚДИАҒО арасындағы меморандумды орындау ұсынылды. Проблемалық мәселелер мен оларды шешу жолдары, 2025 жылға арналған жоспарлар мен перспективалар белгіленді. Эпидемиологиялық бөлім меңгерушісі өз сөзінде АИТВ-мен өмір сүретін адамдарды уақтылы анықтаудың, инфекция көздерін анықтаудың, байланысатын адамдарды тексерудің және ЮНЭЙДС-тің 2030 жылға дейін Қазақстан Республикасында АИТВ-ның таралуына қарсы іс-қимыл жөніндегі "95-95-95" стратегиясының нысаналы көрсеткіштерін орындаудың маңыздылығын атап өтті. Диспансерлік бақылау, АИТВ-мен өмір сүретін адамдарды антиретровирустық терапиямен қамту, сондай-ақ АИТВ-ның анадан балаға берілуінің алдын алу мәселелері талқыланды. Халықтың негізгі топтарына жақсы қол жеткізе алатын үкіметтік емес ұйымдардың рөлі атап өтілді. 2024 жылы облыста халықтың барлық негізгі топтары арасында Мемлекеттік әлеуметтік тапсырыс бойынша ҮЕҰ-ның екі жобасы іске асырылды. 

Іс-шара қорытындысында 2025 жылға арналған басым міндеттер және АИТВ-инфекциясына қарсы іс-қимылға бағытталған барлық көрсеткіштерді орындау жоспарлары белгіленді.