Мұғалжар ауданына іссапармен

Облыстық ЖИТС орталығының мамандары Кузбакова Жумагул, Алия Ердібекова және Жулмагамбетова  Сандуғаш халық арасында АИТВ-инфекциясы бойынша профилактикалық іс-шараларды өткізу үшін Мұғалжар ауданына барды.
 Жұмыс сапары барысында Мұғалжар аудандық ауруханасының медицина қызметкерлері, Мұғалжар гуманитарлық-техникалық колледжі, Қандыағаш өнеркәсіптік-экономикалық колледж студенттері, Қандыағаш жол станциясының, Мұғалжар ауданының полиция бөлімінің қызметкерлері, сондай-ақ мектеп мұғалімдерімен оқушылары қамтылды.
 Іс-шара барысында тыңдаушыларға АИТВ-инфекциясы, берілу жолдары, алдын алу шаралары, облыс бойынша эпидемиологиялық жағдай туралы ақпарат берілді. Сондай-ақ салауатты өмір салтын сақтау, қауіпсіз жыныстық мінез-құлық, АИТВ-позитивті адамдарға қатысты стигма мен кемсітушіліктің алдын алу мәселелері қаралды.