Медицина қызметкерлерін бейресми оқыту
«Қазақстан Республикасында 2023-2026 жылдарға арналған АИТВ-инфекциясының алдын алу жөніндегі шараларды іске асыру туралы» Жол картасы шеңберінде Хромтау аудандық ауруханасының медицина қызметкерлері үшін «АИТВ-мен өмір сүретін адамдарды және жұқтыру қаупіне неғұрлым бейім халықтың негізгі топтарын Стигма және кемсіту» тақырыбында бейресми оқыту жүргізілді.
"Біздің қоғамда әлі де АИТВ-инфекциясына қарсы тұруда жол берілмейтін стигма мен кемсітушілік бар. Стигмаға байланысты адамдар медициналық ұйымға тексеру, емдеу үшін келуден қорқады, бұл аурудың таралуына ықпал етеді. Бұл оқыту АИТВ-мен өмір сүретін адамдарға төзімділікті қалыптастыруға және медициналық мекемеде клиенттерді құрметтейтін және олардың құпиялылығын қамтамасыз ететін кәсіби орта құруға бағытталған", - деп атап өтті профилактикалық бөлім меңгерушісі Айжан Жайлаубаева.
Оқу жоспарының барлық талаптарын орындаған тыңдаушылар семинар-тренингтің бейресми білім беру сертификатын 8 сағат көлемінде алады. Оқыту семинарына дәрігерлер мен орта медицина қызметкерлері қатысып, барлығы 38 адам қамтылды.