Медицина қызметкерлерінің біліктілігін арттыру жылы шеңберінде іс-шаралар іске асырылуда
Қазақстан денсаулық сақтау министрлігі 2025 жылды медицина қызметкерлерінің біліктілігін арттыру жылы деп жариялады. Осыған орай ҚР-да 2023-2026 жылдарға арналған АИТВ-инфекциясының алдын алу шараларын іске асырудың Жол картасы шеңберінде Ақтөбе облысында медицина қызметкерлерін тегін бейресми оқыту жүргізілуде. Облыстық ЖИТС орталығынң дәрігерлерінің арасынан тренерлер дайындалды. Біліктілігін арттыру курсына қатысушыларға сертификаттар табысталады.
Осы білім беру аясында қалалық емханалардың, аудандық ауруханалардың және ЖИТС орталығының медицина қызметкерлері оқудан өтуде. Дәрігерлер мен орта медициналық персоналға арналған біліктілікті арттыру курстары бейресми білім беру шеңберіндегі келесі үш тақырыпты қамтиды:
«АИТВ , мерез және «С» гепатитінің анадан балаға берілуінің алдын алу» Жыл сайын әрбір медициналық ұйымдағы оқытуға жататындар саны 5%-дан кем болмауы керек.
«АИТВ инфекциясы және АИТВ-мен біріктірілген ауруларды диагностикалау , алдын алу және емдеу». Жыл сайын әрбір медициналық ұйымдағы оқытуға жататындар саны 8% -дан кем болмауы керек.
«АИТВ-мен өмір сүретін адамдар және жұқтыру қаупі жоғары халықтың негізгі топтарына қатысты стигма мен кемсітушілік» Жыл сайын әрбір медициналық ұйымдағы оқытуға жататындар саны 12,5% -дан кем болмауы керек.
2025 жылдан бастап, жол картасы аясында АИТВ /ЖИТС тақырыбы бойынша 1172 медицина қызметкері бейресми оқытудан өтті. Олардың : 299-ы дәрігер, 873-і орта медицина қызметкері.