Дүниежүзілік ЖИТС-пен күрес күніне арналған айлықтың басталуы! ✨
Бүгін Ақтөбе облыстық АИТВ-инфекциясының алдын алу орталығында Дүниежүзілік ЖИТС-пен күрес күніне орай дөңгелек үстел өтті.
Іс-шараға Денсаулық сақтау, білім беру, ішкі және жастар саясаты, мәдениет, туризм, дене шынықтыру және спорт басқармаларының, полиция департаментінің, қоғамдық және жастар ұйымдарының, жоғары оқу орындары мен жастар денсаулық орталықтарының өкілдері қатысты.
💬 Дөңгелек үстел АИТВ-инфекциясының алдын алудың, ведомствоаралық өзара іс-қимыл мен әлеуметтік әріптестіктің өзекті мәселелерін талқылауға арналған диалог алаңына айналды.
Қатысушылар 2025 жылдың 10 қарашасы мен 10 желтоқсаны аралығындағы айлық шеңберінде бірлескен бастамалар мен іс-шаралар жоспарын келісті.
Кампания уақытында тренингтер, акциялар, квиз, медиалық тұлғалармен кездесулер, автошеру, сондай-ақ демалыс орындарында және сауда орталықтарында АИТВ-ға анонимді тестілеу өтеді.
📉 Ақтөбе облысы АИТВ-инфекциясының таралуы төмен өңір болып қала береді. 2025 жылдың 10 айында 48 жаңа жағдай тіркелді, бұл өткен жылдың көрсеткіштерінен аз.
Мамандар еске салады: облыс емханалары жанындағы АИТВ орталығында және жастар денсаулық орталықтарында тегін және құпия тестілеуден өтуге болады.
Қоғамның барлық секторларының күш-жігерін біріктіре отырып, біз АИТВ-инфекциясына тиімді қарсы тұра аламыз.
Алдын алу хабардар болудан және денсаулығыңыз үшін жауапкершіліктен басталады!